Shah siat iap arngut ki pulit CRP ha ki ehrang ha Manipur

Imphal: Arngut ki pulit Central Reserve Police Force (CRPF), ki la shah siat iap bad sa arngut kiwei pat ki la mynsaw jur, ha ka jinghiar thma jong ki riew kieng atiar, ha ka thain Naransena jong ka Bishnupur District ha Manipur, ha ka step phyrngab jong ka sngi saitjain.

Katei ka jingjia, ka dei hapdeng ka por 2.15 mynstep, jong ka sngi saitjain, ha kaba kitei ki ehrang, ki khyrwit naphang, da ki suloi kiba khlain bor bha ia ki shipai, kiba dang ap pahara, ha katei ka jaka.

“Kitei ki shipai, ki siat naphang, na uwei u lum uba don hangtei hajan bad ka jingsiat, ka sdang naduh ka por 12.30 mynstep bad ka bteng haduh ka por 2.15 mynstep. Nangta ki ther ruh da ki bom, ha kaba uwei u bom, ula bthei ha ka ktem jong ki CRP, kiba dei na ka 128 battalion” ong u heh pulit.

Ki arngut kiba iap, ki kynthup ia U N Sarkar Sub Inspector bad u Arup Saini, uba dei u langrut. Kiba mynsaw, ki kynthup ia U Jadav Das, uba dei u inspector bad U Aftab Hussain, uba dei u langrut.