Shah shoh u pulit pyniaid kali ha Polo

Shillong, 7 Jymmang:
U pulit pyniaid kali UB Constable u M.Kharwanlang jong ka Sadar Traffic Branch, Shillong u la ujor sha ki pulit ba ha ka 5 tarik u jymmang ha ka por 7:45 baje mynmiet, uwei u briew uba la tip kyrteng kum u Siljrang D Sangma, 28 snem karta uba la bu-aid u la pynthud ia ka iaid ka ieng ki kali da kaba ieng hapdeng surok hajan ka Green Hills Restaurant kaba don ha Polo. Ki pulit ki la thep ia u hapoh Traffic Booth bad la pyntip ruh sha Pasteur BH. Ha katei ka por uwei pat u paralok jong u uba la tip kyrteng kum u Latti M Marak uba la bu-aid u la shoh ia utei u pulit pyniaid kali, ki pulit ki la kem ia kitei baroh 2 ngut.