Shah shoh u nongpynriam ia ka Laitumkhrah, kem 2

Shillong,17 Nohprah:
Mynta ka miet ha ka por 7 baje eiei, katba ki nongpynriam pynbeit ba la phah da ka MTDF ki dang bun kam ban pynriam pynbeit bad ban pynphuh pyn phieng ia ka Laitum khrah namar ka Khrist mas, kynsan kynsan hapdeng ka jingbunkam jong ki la wan ki shi kynhun ki samla ha ka jaka ba ki dang treikam bad kitei ki kynhun ki samla ki la tur sha katei ka jaka bad ki la shoh la dat ia uwei na ki nongpynriam. Katei ka jingjia ka la jia hajan ka Yalana Hotel. Hadien ba ki la shoh kitei ki samla bym ithuh ki la phet krad bad ki la rong tuh ruh ia ki tiar pynriam ba la thmu ban pynthaba ia ka Laitumkhrah. Hadien ba la pyntip sha ki pulit , U SP ka East Khasi Hills u Bah M Kharkrang u la iathuh ba ki pulit ki la kthong ia kitei ki samla ha kaba ki la ioh ruh ban kem ia ar ngut na ki ryngkat ki tiar pynriam ba ki la rong tuh, kitei kiba la shah kem ki dei kiba la tip kyrteng kum u Fairlock Ryngksai ,26 snem na Umpling bad uwei pat u Bantei pat Kharnari,32 snem uba sah ha Laitumkhrah Boyce Road. Ki pulit ki dang pynlong ia ka jingtohkit.