Shah shoh u myntri rangbah ka Bihar, ha ka jingleit sha la shnong

New Delhi: Mynta ka sngi, U Nitish Kumar, myntri rangbah ka Bihar, ula shah shoh, ha uwei u briew, ha ka shnong jong U Kumar, ha Bakhtiyarpur. U Kumar, ula lait na ka jingmynsaw bad la ioh kem ia utei u briew, da ki pulit.

Na ki dur video, ba la iohi ha ki social media, la iohi, ba ka jingjia, ka dei ha shwa ba u myntri rangbah, un leit buh syntiew ha ka dur mot jong U Shilbhadra Yaji, uwei na ki riew ialeh laitluid jong ka jylla Bihar. Ka dei ha katei ka por, ba utei u briew, u wan na shadien bad u ktah kti ia U Kumar. Mar kumta, ula shah bat noh ha ki pulit, kiba pahara ia u myntri ranngbah.

Utei u briew, u dei uba la tip kyrteng, U Shankar alias Chhotu, (25) uba dei na ka shnong Mohammadpur ha Bakhtiyarpur bad u dei uwei na ki bania thaw ksiar.