Shah shoh U MD Shillong Club, kawang Petrol bom ha Akhra Qualapatty

Shillong, 30 Nailar:
U Managing Director ka Shillong Clib u Suresh Singh u la shah shoh ha ki san ngut ki briew ha ka janmiet sngi Thohdieng. Namar kane ka jingjia, la pynkit wut wut sha Civil hospital Shillong ban shah sumar, la ong ki pulit.
Katkum ka khubor na pulit, ki runar kumba san ngut ki la shoh pynmynaw ia une u MD ka Shillong Club bad pynpra ruh ia ka ophis jong u. Namar kane ka jingjia ha ka por 4:15 baje janmiet ei ei, u la mynsaw bad la rah wut wut sha hospital.
Ki pulit ki dang pynlong ia ka jingtohkit halor kane ka jingjia ban lap ia kiba donkti ha kane ka kam.
Ha kawei ka jingjia, hynnin ka janmiet ki runar bym tip satia ki la kawang petrol bom ia ka Narsingh Akhra kaba don ha Qualapatty, Shillong. Ha kane ka jingjia, la dei ia iing kaba don hajan, bad ki pulit ki dang pynlong ia ka jingtohkit halor kane ka jingjia.
Haduh ba thoh ia kane ka khubor, ym pat ioh jingtip la ki pulit ki la ioh kem ne em ia ki runar kiba donkti ha kitei ki kam.