Shah shoh u kpa nah ba thmu batbor

Shillong, 26 Iaiong:
U kpanah u la shah shoh ha ki nongshong shnong ka shnong jong u hadien ba u la shah kynnoh ba u thmu batbor ia ka khun ruit lajong kaba dang 13 snem karta. Katei ka jingjia ka la jia mynhynnin ka sngi ha khap sor Tura ha ka dong Dobasipara, la kynnoh ba u kpa nah u la batbor ha ka por ba ka kmie jong katei ka khynnah ka dang don hapoh Civil Hospital Tura.
La kynnoh ba utei u kpa nah uba la tip kyrteng kum u Vincent S Sangma uba ju khot sin kum u Benson, 36 snem karta u la thmu batbor ia katei ka khynnah ha ka miet lah sngi u blei.
La iathuh ba katei ka khynnah ka la iakhun bad ka la ioh ban phet sha kawei pat ka kamra bad kja la kerkut ialade hangta. Ha ka step kaba bud la ong ba la pyllait ia ka da ki marjan bad ki bahaing.