Shah shoh pynmynsaw 3 ngut ki samla ha ki nongtrei ka Toll Gate 7 Mer, myn hynnin shiteng miet

Shillong: Ka KSU Jaintia hills, ka la thoh ha ka facebook peij jongka, mynta ka sngi, ba 2 ngut ki samla kiba dei ki nongniah trok ki la shah shoh pynmynsaw jur, ha ki nongtrei ka Toll Gate, 7mer, kiba la buaid jawsheh bha. Namar ba kim lah ban iada shuh ialade ki la phone sha u Malik jong ki (Trai Trok) bad ha ka por ba ula wan, kita ki nongtrei toll gate ki la shoh pynmynsaw pynban sa ia utei u Malik.

Halor kane ka jingjia naka liang ka KSU Muthlong Unit, bad KSU Jowai Unit ki la hiar sha katei ka jaka ban ai jingsneng ia baroh kito kiba donkti bad ha kajuh ka por ka seng ka la hukum, ia ki bor pyniaid katei ka Toll Gate ban siew bai lutksan ia kitei ki samla bad ha kajuh ka por ka la hukum, ruh ban behkam syndon ia baroh kito kiba donkti shoh.