Ki la don saw ngut ki samla kiba shah kem, hadien ba ki la shoh ia uwei u samla Muslim ha Barpeta bad pynbor ia u, ba un pyrta ‘Jai Shri Ram’.
Katei ka jingjia, ka dei ha Jyoti Gaon, kaba don hajan ka Fakhruddin Ali Ahmed Medical College bad ka la jia ha ka step phyrngab jong ka sngi thohdieng, haba ki samla kiba shong da ka thuk thuk, ki rung ha kawei ka dukan dawai bad ki la shoh ia U Rakibul Haque, uba dei u nongtrei jong katei ka dukan dawai.
“Kitei ki runar, ki la shoh ruh ia U Kurban Khan bad U Buran Ali, kiba trei ha ka dukan sha kaba marjan bad hadien kata, ki sa pynbor ia kitei ki lai ngut ban pyrta Jai Shri Ram” ong U Jakir Hussain, President jong ka West Barpeta Traders’ Association.
Phi don ban ong eiei?