Shah shoh ka longkmie bym treh thep pisa

Shillong, 7 Nohprah:
Ha ka 2 tarik mynta u bnai u Munna Kumar Ray uba shong basah ha Cotton road, Shillong u la ujor sha ki pulit ba kawei ka briew kaba la tip kyrteng kum ka Dhanma Devi ka la wan ong ia ka lok jong u ka Smt Babita Devi ba kan leit thep lem ia ka pisa rim jong ka T.2 lak tyngka hapoh Account jong ka ( Babita), bad kitei ki dei ki pisa rim kot 500 bad 1000 suda. Hynrei ka Babita kam treh bad hangtei ka Dhanma ka la tim ia ka da ki ktien khlem akor bad ha ka sngi kaba bud kata ha ka 3 tarik katei ka briew ka la wan ryngkat bad u lok jong ka u Ramanand Ray bad 4 ngut ki khun kynthei jong ka bad ki la shoh ia ka Babita haduh ba ka la mynsaw jur bad la pynkit ia ka sha Ganesh Das Hospital.