Shah shet ka hep 6snem ha ka MHIS, hap siew T.12hajar ha Hospital

Shillong, 9 Jylliew:
Ka skhim thymmai ka sorkar ka Meghalaya Health Insurance Scheme (MHIS) ka dang sah ha ka umdum namar ba ki paidbah kiba don ka smart card haba ki leit shah sumar ki hap lut kumjuh. Ia kum kane ka jingjia, la lap da ka FKJGP ha kaba iwei I nongpang ha Robert Hospital Iba la poi ka jinglut sha ka 22 hajar, kin hap siew mar shiteng tam kata 12 hajar bad tang 10 hajar siew ka MHIS.
Ka FKJGP ka la buh jingkylli ha khmat ka sorkar jylla, ba kan pynshai sha ki paidbah kiba ioh jingmyntoi lyngba ka Megha Health Insurance Scheme.
Ia mynta hi ka sorkar ka shu ai ka smart card bad I kot lyngkdop sha kito ki ba lah pynrung kyrteng khlem da pynshai ia kino kino ki jingdon kam.
Katkum ka jinglap jong ki nongialam ka seng ka bai lut jong ine I nongpang ba dang 6 snem ka rta ka long 22, 000 tyngka, bad ki bahaiing ki hap lut 12, 000 tyngka na pla lajong.
Hynrei ki nong pyniad jong ka hospital ki lah mynjur ban pyllait noh ia ine I nongpang hadien ba U Publicity Secretary jong ka FKJGP, Central Body, U bah Eldie Newton Lyngdoh u lah ia kynduh ia ki heh jong ka hospital.
Ki nongpyniaid ka hospital ki lah shah ia ki bahaiing jong ine I nongpang ban siew ia ka bill ba 12, 000 tyngka kum ka jingsiew boina na katei ka jinglut.
Ka Seng FKJGP ka lah dawa ruh ba lada ki bor pyniaid ka kompani ICICI Lombard kaba dei ban bei iaka jinglut jingsep ki nongthiah pang kam lah ha kum kata ban pynbiang ka dei ban ai noh ia kiwei pat ki bank.