Shah shet ka aktress Shabana Azmi, ha ka dukan die khor ha Mumbai, ki shim tang ka pisa

Mumbai: Ka Shabana Azmi, kaba dei ka aktress ba pawnam jong ka bollywood, ka la shah thok ei khamakha ha ki khyndiat sngi, ha ka dukan die kyiad.

Ka Shabana, kaba 70 snem ka rta, ka thoh ha ka twitter jongka, ba ka la shu shah thok ei khamakha, ha ka jingkwah thied kyiad online bad ka Azmi, ka iathuh ba ka la thied ia ka kyiad, na kawei ka dukan, kaba kyrteng ka Living Liquidz, hynrei, wat haba la siew pisa ruh, kam shym ioh satia ia ka mar.

“Husiar, nga la shah thok. Nga la siew sha ka dukan Living Liquidz, katba kum ka dor jong ka kyiad, kaba nga donkam, hynrei, kim shym la wan rah satia ia ka kyiad bad kim shim shuh, haba nga phone ruh”. Ka Azmi, kam shym la iathuh pat katno ka la siew ia katei ka bai kyiad.