Shah rong tuh ka Bolero jong ka NHAI

Jowai, 23 Jymmang:
Kawei ka kali Bolero jong ka NHAI kaba pyntrei ia ka surok bah Jowai -Bodarpur ka la jah rngai ha ka miet sngi u Blei ka 22 tarik na kawei ka ingbasa (Guest House) kaba  ki briew jong ka NHAI ki sah ha Khliehriat, kane ka kali Bolero  kaba don u No.ML11 1262 ka la jah rngai ryngkat bad u nongniah hadien ba u sei ia ka ha ka por janmiet ban leit jingleit hynrei ymtip shano pat u leit.
Haba ki sahep katei ka kompeni kiiohi ba u nongniah um wan phai ing shuh ki la pyrshang ban phone ia u, ki pyrshang kat pyrshang ruh  ki khlem ioh kren eiei shuh namar ba kane ka phone la khang ia ka. U tei u nongniah u dei uba la tip kyrteng kum u Jintu Muni Borah uba na Kalimandir Jorabat Assam.