Shah rong tuh ka Bolero ha ki runar na 8Mer

Nongpoh, 20 Rymphang:
Kawei ka kali Mahin dra Bolero kaba don ia u Registration Number (AS-01GC-2965), kaba la long trai da u Deepak Jammar, na ka shnong 8Mer Baridua, Ri Bhoi District, ka la shah rongtuh noh, haki riew runar bym shem la ithuh durkhmat.
Kane ka jingjia ka la jia, myn ha ka miet jong ka 17 tarik mynta u Rym phang ha ka por kumba 12 baje ei ei mynmiet, hadien ba ki trai jong kane ka Bolero ki shem ba ka kali jongki kam don shuh ha ka jaka ba ki la buh ia kane ka Bolero.
Haba iadei bad kane ka jingjia na ka liang ki trai jong kane ka Bolero, ki la dep ban buh ka jingujor ha Khanapara Police Station, khnang ba ki pulit kin leh ia kaba donkam.
Na ka liang jong ki Pulit ka Khanapara PS, ki dang pynlong ia ka jing budien halor kane ka jingjia bad kumjuh ruh ban thwet khnang ban iohkem ia kiba donkti ha kane ka jingrongtuh ia kane ka Bolero.