Ka Brazil, ka la shah liem noh, hynnin ka miet, ha ka jing ialehkai World Cup, ha ka Croatia. Ha ka por jong ka jing ialehkai, kaba la ai por tam, ka Brazil, ka la ia khaid mar shi kol, pyrshah ia ka Croatia. Ia ka kol, na ka liang ka Brazil, la ioh thep da U Neymar, ha ka minit kaba 106, katba ia ka Croatia, la ioh thep da U Bruno Petkovic, ha ka minit kaba 117; katba ha ka jingshut penalty, ka Croatia, ka ioh thep da 4, katba ka Brazil, da 2 kol.
Ha kawei pat ka jing ialehkai ka Argentina, ka la pynliem ia ka Netherlands, ha ka jingshut penalty. Ha ka por jong ka jing ialehkai, ka Argentina, ka ioh thep ar kol, lyngba U Nahuel Molina, ha ka minit kaba 35 bad U Lionel Messi, ha ka minit kaba 73, lyngba ka jingshut penalty. Na ka liang ka Netherlands, la ioh thep da U Wout Weghorst, ha ka minit kaba 83 bad kaba 101; katba ha Penalty, ka Netherlands, ka ioh thep 3 kol, katba ka Argentina da 4 kol bad kumta ka Argentina, ka la nang jam shakhmat, ha ka jing ialehkai World Cup.
Phi don ban ong eiei?