Shah rahbor u rangbah ha ki runar

Nongstoin, 14 K’Lyngkot:
Hynnin ka janmiet u wei u rangbah u bala tip kyrteng kum u Darius Marngar u ba na ka shnong Nongthymmai kaba hap hapoh ka Jyrngam Sirdar ship u la shah rah bor noh ha ki kynhun runar ki bym shym la ithuh bad tip satia la kidei ki ei.
Katkum ka tyllong khubor bala ioh lum na ki nongshong shnong katei ka thain la ong ba katei ka jingjia ka la jia ha ka janmiet jong ka 13 tarik mynta u bnai ha ka por 6 baje janmiet ha kaba ki kynhun runar ki bym shym la tip bad ithuh ba ki dei kiei, ki la wan ban rah bor ia u tei u rangbah na katei ka shnong kaba don markhap bad ka shnong Tynghor.
Shuh shuh katkum ka tyllong khubor la ong ruh ba kitei ki kynhun runar kiba la rah bor ia u tei u rangbah kila dawa ruh da ka pisa na ki ba ha iing hasem jong u tei u rangbah na ka bynta ban pyllait noh ia u na ka kti jong ki.
Ha kaba iadei bad katei ka bynta na ka liang jong ka seng KSU Rimuliang unit hapoh ka jingialam jong u samla Pynshailang Pangniang ki pyrem jur ia ki nong rah bor ia u bah Drius marngar bad ka seng ka dawa jur ia kitei ki runar ba kidei ban pyllait noh mardor ia u tei u rangbah khlem kano kano ka jingshah pynmynsaw.
Haba ia kren bad u nongthoh khubor u samla Hehkupar Pangniang General Secretary KSU Rimuliang u la ong ba ka seng ka dawa tuh na ka sorkar Jylla ban shikhia lem ia kiba kum kitei ki jingjia kiba ju iai jia lynter ha ki thain khappud jong ka WKHD, bad kumjuh ban pynkhlai ia ki bor pulit hapoh ka Ardonga out- post khnang ban teh lakam ia ki kum kitei ki jingjia shah rahbor.