Shah rahbor u nongtrei ka kompeni BSC

Nongstoin, 13 Iaiong:
Ha ka step sngi u Blei, ka 12 tarik u iaiong uwei u nongtrei ka kom pani BSC  na Swangre Camp u la shah rahbor noh ha ki riew runar ki bym shym la tip satia la ki dei ki ei. Ia u tei u Nongialam katei ka kompani la tip kyrteng kum u Pran Singh. Katei ka jingjia ka la jia ha ka Shnong Nongchram  kaba hap hapoh Shallang PS ha ka por 6 baje mynstep. Na ka liang jong u SP Bah S. Nongtnger u la iathuh ba ki bor pulit ha ryngkat ka jingiatreilang jong ki heh pulit na Shallang ki la phah ia ki kynhun SWAT ban pynlong  ka jingthwet kaba jur, khnang ban lap ksai ia kitei ki riew runar bad kumjuh ruh khnang ban ioh pyllait im ia u tei u nongialam jong katei ka kompeni. Shuh shuh u bah S.Nongtnger  haba iakren bad u Nongthoh khubor u la iathuh ba haduh mynta ym shym la pat don kano kano ka kynhun kaba kam ia katei ka jingshah rahbor jong u tei u briew bad ym pat don ruh ka dak jong ka jingdawa pisa. Na ka liang jong ki pulit kin ialeh katba lah ban ioh pyllait im ia utei u briew bad kin dang iai bteng ban thwet ia kitei ki runar kiba don kti ha katei ka kam bymman.