Shah rahbor u nongdie mar khutia

Tura, 6 Risaw:
Ki lehnoh ha ri Lum Garo kim map shuh mynta wat ia ki rit ki ria kiba im kamai jakpoh kyndoi na ki kam kiba rit ruh ha kaba mynhynin ka sngi ki lehnoh ki la rahbor biang sa ia uwei u nongkhaii rit uba im sngi da kaba die tiar khutia mutia.  Utei u nongshong dukan uba shah rahbor u dei uba la tip kyrteng kum u Nirmal Saha na ka shnong Sangknigre kaba jngai tang kumba 30 km na sor Tura.
Utei u la shah rahbor da kaba sha pynap suloi ha ki 3 ngut ki riew kieng atiar ha ka por 6:30 baje eiei janmiet, la iathuh da ki pulit ba kiba haing hasem jong u ki la pan map na kitei ki briew hynrei kim shym la map bad ki la hukum beit ba u dei ban bud ia ki sha ka khlaw kaba rben. La iathuh ba kitei ki runar kim shym la shah ia u wat tang ban phong sopti ruh hynrei u iaid tang da i sopti poh ryngkat bad ki. Haduh mynta ym pat shym la ioh jingtip la ka don ne-em ka jingdawa na kitei ki briew na kiba haing hasem jong u. Lah ban kdew ba dang mynhynnin ka sngi ki lehnoh ASAK ki la pyllait ia 8 ngut ki nongkhaii na Assam ba ki la rahbor hadien ba ki la ioh bai dawa T.7 lak tyngka.