Shah rahbor ka khynnah Khasi ba 15 snem, ha ki suba khar Bangladesh ha Assam

Shillong: Kawei ka khynnah kynthei Khasi, kaba dang 15 snem ka rta, kaba dang pule Class 10, ka la shah rahbor ha ki katto katne ngut ki khar Muslim kiba na Bangladesh, ha ka 5tarik Naiwieng 2019 ha ka shnong Nagracherra. Katei ka khynnah samla, ka dei kaba na ka shnong Paloicherra.
Katei ka khynnah, ka shah rahbor, katba ka dang shong shuti bad ka hynmen jongka, ha katei ka shnong Nagracherra, ha Hailakandi District jong ka Jylla Assam, kaba hap ha Lala Police Station.
Ka KSU, ha ka jing ialam jong ka BVKJWO, ka la leit ban ia kynduh ia kiba ha iing jong katei ka khynnah, kaba shah rahbor bad mar kumta, ki la leit ia kynduh ia u heh pulit jong ka Lala PS, ha kaba la dawa ban pyllait mardor hapoh 24 kynta ia katei ka khynnah, kaba la shah rahbor bad ban kem ia kitei kiba donkti ha katei ka kam runar.
Ki nongialam ka KSU lem bad ka BVKJWO, ki byrthen ruh ba lada ki pulit kim leh eiei, kumta kin pynlong da ka jing iakhih kaba tyngeh bad la maham ruh ia ki riew sain pyrthei, ba kim bit ban lushia halor katei ka jingjia baroh kawei bad la ong shuh shuh, ba lada ka tnat pulit kam leh eiei, kumta kan mih ka jing ia kynad kaba jur, ha kaba ki pulit kin hap ban bah khlieh
U Bah Wanbor Pdang, General Secretary jong ka BVKJWO, ula iakren bad u SP ka Hailakandi distrtrict, da ka phone halor katei ka jingjia, ha kaba U SP, ula pynthikna ba yn pyllait im ia katei ka khynnah, kaba la shah rahbor ha kitei ki runa bad ban kem ruh ia kiba donkti.