Shillong: Ha ka 19 bad ka 22tarik Nailur 2021, la ioh jingtip, da ki pulit ka Khliehriat, ba ki don 2ngut ki khynnah rit, kiba 13 bad 14 snem ka rta, kiba na Khliehriat, kiba la shah rahbor, na iing jongki; naduh ka 17tarik Nailur 2021.
Ki pulit kynthei ka Khliehriat, ki la shimti ban tohkit halor katei ka jingjia bad la ioh khubor, ba la rah ia ki, sha ki thain Kalain jong ka Assam. Ki pulit, ki la sdang ia la ka jong ka kam ban thwet ia kitei ki arngut ki hep rit bad da ka jing iarap lang jong ki pulit Assam, la ioh ban pyllait im ia kitei ki khynnah rit, na ar tylli ki jaka ha Kalain, Assam.
Ki nongrahbor, kiba kynthup ia U Saydul Islam, U Raju bad U Mujuib, ki la phet krad na katei ka jaka ba ki buhrieh ia kitei ki khynnah, ha ka jingdum jong ka miet bad ia kitei ki khynnah kynthei, la wan ialam biang ia ki sha Khliehriat, ong ka khubor ba la phah da U Jagpal Singh Dhanoa, Superintendent of Police, East Jaintia hills.
Phi don ban ong eiei?