Shah rahbor 7 ngut ki nongkhaiï ha ki lehnoh

Shillong, 17’lyngkot:
7 ngut ki nong khaiï na ka jylla Assam ki la shah rahbor ha ka sngi saitjaiñ jong ka taiew ha ki suba lehnoh ha ri Lum Garo. Kitei ki 7 ngut ki nongkhaiï ki dei kiba la tip kyrteng kum u Tustu Paul, Manoranjan Sarkar, Putul Mukherjee, Piyush Biswas, Pradip Das, Bijoy Sarkar bad Ganesh Basu. Kitei baroh 7 ngut ki dei na Dorenggre kaba don ha Goalpara district.
Kitei ki la shah rah bor ha ka por ba ki dang wan phai na iew Dokhongsi, ka iew kaba ju shisien shi taiew kaba don hajan Kharkutta. Ki la don ar kynhun ki nongkhaii kiba don 12 ngut kiba shong ha ka kali Mahindra Pickup bad kitei baroh ki dang wan phai na iew, hynrei haba ki la poi hajan Kalwe kaba hap hapoh Kharkutta Police Station ki la don kumba 6 ne 7 ngut ki lehnoh ki runar kiba la kiengatiar kiba la pynieng ia katei ka kali ba ki shong bad ki la sei ia ki baroh khoit shabar bad ki la pynieng lain , kham hadien ki la rahnoh ia 7 ngut na ki katba ia kiwei pat ki la pyllait noh. Katei ka jingjia ka la jia ha ka por 4 baje eiei janmiet, iathuh kiwei pat ki nongkhaii kiba lait na ka jingshah rahbor.
Kiwei pat ki nongkhaii kiba la lait kila leit pyntip sha ki pulit shaphang katei ka jingjia bad tang mar ia ioh jingtip ki pulit ryngkat ki CoBRA Commando ki la leit ban khynra lehnho ha kylleng ki jaka ban lap ia kitei ki nongkhaii ba la shah rahbor . Haduh mynta la ong ba ka jingwad ki pulit ka dang iaid shakhmat.