Shah rahbor 5 ngut ki riew paidbah ha ki shipai ka China, ong U MLA ka Arunachal

U MLA jong ka seng Congress ha Arunachal Pradesh, U Ninong Ering, u iathuh ba ki don 5 ngut ki briew kiba na katei ka jylla, kiba la shah rahbor ha ki shipai jong ka People’s Liberation Army (PLA) na China. U Ninong Ering, u iathuh ba ki don 5 ngut ki briew, kiba leit khwai, hynrei ki la shah rahbor ha ki shipai jong ka China.

Kitei ki san ngut kiba shah rahbor, ki long U Tanu Bakar, Prasat Ringling, Ngaru Diri, Dongtu Ebiya, bad U Toch Singkam, ki la shah rahbor na Sera 7, kaba don sha Upper Subansiri district, ha u pud jong ka India-China ha ka jylla Arunachal Pradesh.

U Ninong Ering, MLA jong ka Arunachal, u iathuh ba ki shipai China, ki la nang wan tur sha Arunachal Pradesh, hadien ba ki la leit tur sha Ladakh bad Doklam bad la iathuh ruh ba ki la tam ia u pud jong ki ar tylli ki Ri.