Shah rahbor 3ngut ki nongkhaii, ha ki ehrang ha Dalu

Tura, 10 lyngkot:
Mynta ka sngi, lai ngut ki nongkhaii, ki la shah rahbor ha Dalu, ha kawei ka shnong, kaba don hajan Gasuapara jong ka South Garo Hills bad katei ka dei ha ka por mynstep phyrngab, ong ka khubor.
La iathuh ba ki don 11ngut ki nongkhaii, kiba leit sha ka iew Jadugre, haba ki don ki riew kieng atiar, kiba la ker kut ia ki ha Dumnikura, kaba don hajan jong ka khlaw Telekali. Katei ka jingjia, ka dei ha kajuh hi ka jaka, ha kaba la rahbor ia ki 11ngut ki nongkhaii na Assam, ha U Nailur ba ladep. Ka jingshah rahbor mynta ka sngi, ka dei kaba nyngkong eh jong u snem thymmai.
Ki la dei ban don bun ngut kiba shah rahbor ha katei ka sngi, lymda ka dei ka jinghusiar bad ka jing phikir jong kiwei pat kiba la ioh ban phet rieh noh ialade na kitei ki ehrang, kiba kieng atiar. La iathuh ba ki phra ngut kiba don ha katei ka kali, ki la ioh ban kynthih ialade na katei ka kali, katba ki lai ngut pat ki la ngat ha kti ki nongrahbor. Ka jingjia, ka dei ha ka por 6.30 mynstep, ong ka khubor.
Kitei ki lai ngut kiba shah rahbor, ki dei na Dalu jong ka West Garo Hills bad kitei ki long U Tamal Dey (38) na Killapara, U Dulan Mahanta (36) na Killapara bad U Durgapada Dutta (35) na Chaipani.