Shah rahbor 2 ngut ki nonghikai ha thain khappud

Shillong, 14 Jylliew:
Ar ngut ki nonghi kai skul uwei uba dei ruh u Rangbah Shnong ne Nokma ki la shah rahbor ha ki riew runar kiba pyn ap suloi ha ka thain Pura khasia kaba don ha khap pud ka Bangladesh ha kane ka step sngi Thoh dieng.
Ki thymmei khubor ha kane ka sngi Saitjain ki la iathuh ba u Naresh Koch (50 snem) bad u Niren Koch (40 snem) ki la shah rahbor katba ki dang iaid da ka bike sha skul ha ka por ba ki shah rahbor.
Ki runar ba don kumba 8 ngut eiei bad ki tiar kila rahbor ia kine ki ar ngut katba ki dang iaid da ka saikil.
Kine ki nongrahbor ki la patan ia kine ki ar ngut sha khlaw bad bret ia ka bikel ha katei ka jaka kaba don hajan surok. Haduh mynta ym pat tip ia kine shaei ki la shah rahbor. Une Naresh Koch u dei u Nokma bad u nong hikai ha ka Halchati school katba u Niren Koch u dei na Assam u hikai ha kajuh ka skul.
Halor kane ka jingjia, la ujor FIR ha Purakhasia police check post da kiba haiing hasem jong kiba shah rahbor. Ki pulit ki la suba jur ba kiba rahbor ki dei ki kynhun runar lane ki  lah ban donkti  ki lehnoh.