Shah rah 12 ngut ki mendih

Shillong, 8 Naitung:
Hynnin ka janmiet, haduh 12 ngut ki mendih ki la shah ha ki pulit ka nongbah katba ki dang iadih sahuh ha Nishan Restaurant ha Polo.
Ki pulit ki la rah ia kitei ki mendih ba ki lap ha ka por ba ki pynlong ia ka jingkhynra kyiad ha katei ka thain. U SP ka East Khasi Hills Bah Mariahom Kharkhrang u la ong ha katei ka jingkhynra kyaid, ki pulit ki la kurup ruh 25,550 liter ka beer bad 1275 ka kyiad phareng na katei ka restaurant kaba dei trai ka Lobsang Lama.
Ia kine ki mendih la rah sha police station ban pynlong ia ka jingtohkit.
Ha kawei ka liang, ki pulit ki la ioh kurup ruh ia ka kyiad phareng 2450 liter kaba la buhrieh ha Keating Road. Hadien ba la tohkit, la iathuh ba ka dei jong kawei ka briew kaba la tip kyrteng kum ka Elizabeth Marbaniang kaba sah ha Nongmensong kaba la phet krad noh ialade na katei ka jaka.