Shah pynsum lyngkhuit ki bar Jylla

Shillong,4 Nohprah:
Ha ka step tlang ba khriat sam sam 7 ngut ki bar jylla ki la shah pynsum lyngkhuit ha ka Wah Tharia kaba hap hapoh ka Shella bholaganj Block, kitei ki 7 ngut ki bar jylla kiba la shah pynsum lyngkhuit ki dei kiba la tip kyrteng kum u Bibishon Ram (31 ), Prem Sagar (30 ), Harendar Kumar (18 ), u Ajay Paswan (35 ), Uday Paswan (30 ), Upender Singh (22 ) bad u Hare Krishna (35 ) kitei ki 7 ngut ki dei ki nongtrei jong ka M/s P.R Infra Project Pvt. Ltd. Katei ka jingjia ka la jia ha ka 2 tarik mynta u bnai ha ka por 6 baje mynstep, kitei ki 7 ngut ki dei ki nongtrei ba trei ha kawei ka jingtrei ba dei jong katei ka kompani kaba don ha Wah tharia. U Amit Mallik u la ujor ia katei ka jingjia ha Shella PS ba ha katei ka sngi kumba 11 ne 12 ngut ki runar ki bym lah ban ithuh ki la wan sha katei ka jaka bad ki la shoh la dat ia kitei ki 7 ngut ki nongtrei bad hadien ba ki la shoh ia ki , ki la pynlaw lyngkhuit pat bad nangta ki sa khynniat ia ki sha um. U la ujor sha ki pulit ba na kitei ki 7 ngut ar ngut na ki ki la mynsaw jur bad la pynkit sha Civil hospital, kitei ki ar ngut kiba la mynsaw jur ki dei u Upender singh bad u Harendar Kumar. Ka jingtohkti ia katei ka jingjia ka dang iaid shakhmat.