Shillong: Ka Meghalaya Football Association (MFA) ka la pynsangeh ne sospen ia ka Thadlaskein Sports Association (TSA) halor ka jingkynnoh ba ka la pynkhein ia ki riti treikam bad ki jingbthah.
Ha ka jingpyllait kyrwoh myn hynnin ka sngi, u CEO ka MFA u bah Arki Nongrum u la ong ba hadien ba la iathir bha, ka MFA ha ka jingialang kaba long ha ka 23 tarik mynta u bnai Risaw, ka la shim ia ka rai ban sangeh shi syndon ia ka jingithuh ia ka TSA mardor.
“Ia ka jingjied ia ki nongkitkam ka TSA yn sa leh da ka MFA ha ka por kaban sa pynbna”, la ong ka kyrwoh na u CEO bad bynrap ba haduh ban da ioh da kiwei ki nongkitkam thymmai, baroh ki jingdonkam jong ka Thadlaskein Sports Association, dei ban phah sha ka Meghalaya Football Association.
Phi don ban ong eiei?