Shah pynngat U bah Julius & 5ngut, ba bat bor ia ka hep 14snem

Shillong, 9 Rymphang:
Ki briew kiba la shah kem kiba donkti ban batbor bad kumjuh ruh kiba donkti ha ka jingshah leh be-i-jot ka khynnah 14 snem ki la shah pynngat ha ki kyndon aiñ bapher bapher ha ki pulit. Katkum ka Laitumkhrah P.S C/No 239 (12)16 halor ka jingjia kaba la jia ha kawei ka Guest House ha Motinagar , Shillong u I.O ba peit ia katei ka kes u Insp. M.N Khan OC, Laitumkhrah P.S u la pynngat kyndon aiñ bad u la phah ia ka ripod sha u Special Judge (POCSO), Shillong Court bad ki briew kiba la shah pynngat ki long u bah Julius Dorphang MLA ka Mawhati, 52 snem karta bad la pyngnat ha ka kyndon 5 (c)/(1)/6 POCSO Act bad katei ka kdew ia ka jingbat bor u shakri paidbah, ka Mamoni Parbin, 27 snem karta ka Darisha Mary Kharbamon, 22 snem karta, ka Monalisa Shangpliang, 22 snem karta ki la shah pynngat ha ka kyndon 366AIPC, R/w sec.77 Juvenile Justice Act , R/w sec.5 I.T.P Act, R/w sec.17 POCSO Act namar ka jingwanrah ia katei ka khynnah sha ka kam awria, u Sandeep Biswa, 27 snem karta bad u Elbert Shemphrang Kharlukhi, 31 snem karta la pynngat ha ka kyndon 17 POCSO Act. Ki la don haduh 42 ngut ki sakhi kiba la sakhi ryngkat ki sabut ha katei ka kes.