Shah pynliem ka Meghalaya ha ka Jammu & Kashmir da phra wicket

Shillong:Ha ka sngi U Blei ka sngi ha ka jingiakhun ia ka Syed Mushtaq Ali Trophy T20 ba la ialeh ha Jaipur, ka Meghalaya ka la shah rem ha ka Jammu & Kashmir da phra wicket hadien ba ka Meghalaya ka la jied ban tied shuwa bad tied tang 107/4 ia kaba ka J&K ka la lah ban beh ia katei ka thong da kaba pynsah sa 5 over.

Ha kaba sdang ka Meghalaya ka la tied bha ha ka jingianeh paralok hapdeng u Nakul Verma bad u Sylvester Mylliem pdah kiba la iakamai 53 run na ka bynta u wicket uba nyngkong. U Verma u la kamai 37 na ki 47 bol bad u Mylliempdah 26 na ki 32 bol. Hadien ka jing hap noh jong u Sylvester u Lerry Sangma u la shimti bad kamai 24 na ki 25 bol.

Ha ka jingbeh thong ka J&K ka la lah ban kot sha katei ka thong tang hapoh ka 15 over da kaba duh tang ar ngut ki wicket. Uba la ioh ban shim wicket u long u Kilco Marak 1/17 ha ki 2 over bad u Rajesh Bishnoi 1/28 ha ki 4. Lashai ka sngi ka Meghalaya kan iakhun sa bad ka Haryana. Katba ha ka lympung jong ka Senior Women’s T20 Trophy ka Meghalaya mynta ka sngi kan iakhun pyrshah ia ka Bengal