Shillong: Ka Chennaiyin FC ka la pynkut ia ka rekod ka Shillong Lajong ban shu jop lynter ha ka lumpung iakhun Hero Elite Youth League Final Round Group B kaba long ha Goa mynta ka sngi. Ka Chennaiyin ka la pynliem ia ka Shillong Lajong da 1-0.
Ha ka jingshisha, ka Lajong ka la jop lynter ha kane ka lumpung ialehkai naduh bas dang bad dei tang mynta ka sngi ba ka la shah rem noh.
Ia kane kawei ka kol, la thep da u Vijay Thangavel ha ka 48 minit ban pynlong ia ka Chennaiyin ban khur 3 point.
Ka Shillong Lajong kan iakhun ia ka jingialehkai ba khadduh ha kane ka lumpung pyrshah ia ka Reliance Foundation Young Champs ha ka 1 tarik Rymphang.