| Shillong: Ka Shillong Lajong FC ka la shah pynliem ha ka Aizawl FC da 4-1 ha ka jingiakhun jong ka lumpung Hero I-league kaba long ha madan RG Stadium ha Aizawl mynta ka sngi.
Na ka bynta ka Aizawl, la thep da u A. Kromah ar tylli ki kol katba mar kawei la thep da u Lalkhawpuimawia bad u I. Vanlalruatfela. Katba ia ka Lajong la thep da u Donboklang Lyngdoh shwa ban wai syndon ka jingialehkai. Ha ka jingiakhun, u A. Kromah u la thep ha ka 40 minit ka kyllastep bad hadien ka kylla miet ka la pynbud ha ka 81 minit da u Lalkhawpuimawia. Hadien kane, u A. Kromah u la thep biang ha ka 83 minit bad sa u I. Vanlalruatfela ha ka 89 minit shwa ba u nongialehkai ka Lajong u Donoklang un thep ha ka 90+3 . Da kane ka jingialehkai, ka Lajong ka la pynkut ia kane ka lumpung ha kane ka samoi da ka jingshah rem ha ka jingialehkai shabar na la iing bad ka don ha trai duh na ki 11 tylli ki klob ban kamai point ha kane ka i-league. Ka dang sah sa tang kawei ka jingialehkai pyrshah ia ka Mohun Bagan ha ka 8 tarik Lber por 5 pm ha JN Stadium, Shillong. |
Phi don ban ong eiei?