Shillong:Hapdeng ka jingpyrkhing na ka daw jong kane ka jingpang Covid- 19, ha ka Sngi Saitjaiñ, Shillong Archdiocese ka la pyndep ïa ka jinglehniam leh rukom ban pynkyntang Lyng doh Sohblei ïa ki San ngut Ki Dikon ïa kaba la pynlong ha Ïing Mane Bah Lait umkhrah ka Maria ka Nongïarap Ki Khristan.
Kane ka jing pynkyntang Lyngdoh Sohblei ïa ki san ngut ki dikon kiba dei na ki ar tylli ki Diocese Shillong Archdiocese bad ka Nongstoiñ Diocese ka la long ka sngi ka ban sah jingkynmaw kaba shi junom ha ka jingim jong ki 5 ngut ki Dikon kiba la shah skhor ïa ka jingkhot ka jong U Blei ban shakri ha ka bri sohwaiñ U Trai ha kaba ki la shim ïa ka jingsmai ban im sotti, ban im duk bad ban im hok kum ki Lyngdoh sha bymjukut.
Kine ki san ngut ki samla kiba kynthup ïa u Deacon Barnabas Syiem na ka Umden Parish bad u Deacon Jeffree Kharkongor na Laitkor Parish kiba dei na ka jingïasyllok Salesian of Don Bosco.
U Deacon Wester David Marbaniang na Mawlai Parish bad u Deacon Robert Marweiñ ki dei na ka jingïasyllok Salvatorian katba u Deacon Ryngkatbor Dkhar pat u dei na ka jingïasyllok ki Phadar Trai Ri ba la tip ruh kum ki Diocesan.
Ïa kine ki san ngut ki Deacon la pynkyntang Lyngdoh Sohblei da u Archbishop jong ka Jyllaniambah Shillong u Most Rev. Victor Lyngdoh ha ka jinglehniam kaba shongkun shongblei kaba la long Ïingmane Bah ha Laitumkhrah, Shillong ha ryngkat ka jingsakhi lang da ki bahalor jong ka Jingïasyllok Salesian, ka jingïasyllok Diocesan bad ka jingïasyllok Salvatorian.
Ha kane ka sngi ki kmie ki kpa bad ki ba haïing hasem jong kine ki san ngut ki Deacon, ki riewniam bad ki paid riewngeit kiba wan najan bad na jngai ban sakhilang ha kane ka sngi kaba kyrpang tam ha ka jingim jong kine ki san ngut ki samla.
U Phadar Ryngkat Bor Dkhar Nongladew Mawbri Parish Diocesan Priest na Ri Bhoi District Ar ngut Ki Phadar Jingïasyllok Salesian Jong u Don Bosco (SDB) U Phadar Barnabas Syiem na Umden Parish Ribhoi District U Phadar Jeffree Kharkongor SDB, Arngut na ka Jingiasyllok SDS Salvatorian U Phadar Robert Marwein SDS Pyndengrei Parish, Nongstoiñ Diocese U Phadar Wester David Marbaniang na Umsaw Mawjynrong, Mawlai Parish Shillong Archdiocese.
Phi don ban ong eiei?