Nongpoh: Shi bynta ban ai mynsiem ia kito ki rang bad ki thei ialehkai Sports na Ri Bhoi, kiba la khur Takma ha ka 2nd North East Olympics Games 2022 kaba dang shu dep shen ha nongbah Shillong, ka Synjuk ki Rangbah Shnong Ri Bhoi District (SRSRBD), myn sngi saitjain, la ïoh ban pynkup burom ia 11 ngut ki rang bad thei ialehkai kiba la khur Takma ha ki jingialehkai bapher bapher.
Ia katei ka prokram ban pynkup burom ia kitei ki nongialehkai, la pynlong ha Dorbar Hall Sajer, Nongpoh, ha kaba la sakhi da ka jingdon u Bah Gilbert A L Marshillong, DSP Traffic Ri Bhoi, nangta u Bah BB Makdoh, President ka SRSRBD, u Bah Marcus Marten, President ka HNYF lem bad shibun kiwei pat.
Lyngba jong katei ka sngi, la don ruh ruh ka jingpynkup burom bad kynmaw kaba kyrpang ia ka Kong Magareth Pathaw, ka Longkmie na Ri Bhoi bad kaba la lah ban khur Takma Ksiar ha ka World Arm Wrestling Championship kaba dang shu dep shen ha ri Turkey.
Phi don ban ong eiei?