Jowai: Uwei u rangbah ba paw ka thain Phramer bad uwei na ki nongkhaii ba paw, u ba la tip kyrteng kum u ma Kral Tang u la shah pyniap myn hynnin ka sngi ha kamra thiah lajong ha Phramer, West Jaintia Hills.
La iathuh ba utei u rangbah um shym la khlain bha bad u la thiah ha iing mynta ka sngi, ha kaba ka lok jong u ka leit shong dukan bad ki khun ki leit skul. Ka lok bad ki khun ki la mih na iing naduh ka por 9 baje eiei, hynrei ha ka por kumba 2 baje nohsngi, ki la lap ia ka met iap ba thiah lyngktar hapdeng ka snam.
Ki pulit ki la suba jur ba ia kane ka kam la leh da uwei u briew uba la tip kyrteng kum u Robin Ksoo uba dei na ka shnong Shohshrieh ha kaba utei u suba u la jahrngai haduh mynta.
La ka dei ka kam lute ne, ym pat lah satia ban tip hynrei ki pulit ki dang tohkit bniah ban lap ia ka daw jong ka jingshah pyniap namar ioh don kaei re kaei kaba sha lyndet hapdeng ka iing ka sem jong u.