Shah pyniap u rangbah ha shi kmie shi khun

Shillong,10 Jylliew:
Uwei u rangbah uba la tip kyrteng kum u Enty Jadoh, 50 snem karta uba dei na ka jait bynriew Naga u la shah pyniap ha ka kurim jong u ka dimti Situng bad ha la u khun u Bibi Situng 22 snem karta hynne ka sngi. Kane ka jingjia ka la jia ha ka shnong Barato west Jaintia Hills.
Katkum ka tyllong khubor la ong ba kitei ki shikmie shi khun ki la pyniap ia la u kpa hadien ba la mih ka jingiakajia na ka daw ka kam ing kam sem jong ki ha kaba ki la tan na jingthiah katba u dang ioh thiah lyngnai bad ki la bom la tied ia u haduh ba un da iap.
Ha katei ka jingjia ki VDP shnong ka Barato, kila ioh bat ia u Bibi, hynrei ula lait phet na ka kti jong ki bad haduh kim pat lapdien ia u. Na kaliang ki pulit kila pynlong ka jingtohkit bad la register iaka case.