Tura: U nongkhaii synshar uba na Assam, ula shah pyniap ha Damal Asim jong ka thain Daddengre, ha West Garo Hills, hadien ba ula kyntait ban siew pisa T.50 hajar ha ki nonglute. Utei uba shah pyniap dei U Asad Ali, uba na Dhubri, Assam bad utei ula jah rngai naduh ka 11tarik Rymphang 2022.
Ki pulit ka West Garo hills, ki la thwet ia utei uba jah bad ha ka jing tohkit, ki la lap ba ula shah pyniap, ha kitei ki nonglute bad la kem ia ki 3ngut ki briew, kiba kynthup ia u Nikseng R Marak, U Nobel M Sangma bad U Altu M Sangma.
Ha ka jingtohkit, kitei ki la phla, ba utei u briew, u leit thied synshar sha ka shnong Dabigre, ha ka 11tarik Rymphang 2022 bad kumta, ki la dawa pisa na u T.50hajar, hynrei, haba um treh ban siew, kumta ki la pyniap noh ia u bad ki la bret ia ka met jongu, ha Baljek Aduma (Adim-dim). Ki pulit, ki la leit sha katei ka jaka bad ki la lap ia ka met kaba la buhrieh.
M ngamdon