Shah pyniap U Branch Manager

Jowai, 27 Nailar:
U Branch Manager ka Meghalaya Rural Bank (MRB), jong ka Iooksi, West Jaintia Hills District, uba la tip kyrteng kum u Syrpailut Khonglam kumba 50 snem ei ei ka rta, u la shah pyniap dusmon ha ki briew ki bym shym la lah satia ban ithuh. Une u rangbah u dei uba shong ba sah ha Nong rim Hills Shillong bad u la trei ha katei ka Bank naduh u snem 2012.
Haba iakren bad u SP jong ka West Jaintia Hills u bah Herbert G. Lyngdoh u iathuh ba utei u rangbah u shah pyniap ha ka ing ka ba u sah wai bad ka jingiap jong u ka long ba u shah dung na kpoh u mynsaw na shyllang khmat na tymbuit kti. Haduh ba thoh ia kane ka khubor ym pat iohkem satia iano iano.