Shah pynher krad ki kali kamai bad ki kali shimet na Motphran

Shillong: Myn hynnin ka sngi ka 23 taraik u bnai Jylliew 2021, la iohi ba ki la don shibun bha ki kali kamai kiba la iaid bad ieng ha Motphran ki la shah beh krad lut ha ki pulit.

Na ka liang jong ki pulit ki la ong ba kim shah satia ia kitei ki kali kamai ba kin kit briew hapoh ki kali kamai jong ki, hynrei lait noh sa tang kito kiba kit jingkit ha ryngkat ka jingdon ia ki car pass kiba treikam na ka bynta ban kit jingkit.
Ha katei ka jingbeh jong ki pulit, la iohi ba baroh ki kali taksi bad ki auto rickshaw kiba ieng bad kiba iaid lyngba na Motphran, ki la shah beh krad lut bad wat ki kali jing ki riewshimet ruh ki bym don satia ia ki pass kiba iaid ba ieng ha Motphran ki la shah beh lang na katei ka jaka.