Shah pyndik ki nong Assam, sha ki jylla Dong Mihngi, ong u heh Congress ha U Sonowal

U nongialam ba rangbah jong ka seng Congress na Assam, U Debabrata Saikia, u dawa ia u myntri rangbah ka Assam, U Sarbananda Sonowal ba un iakren bad kiwei ki myntri rangbah jong ka thain shatei lam mihngi, ba kin nym pyndik ia ki nongleit jingleit na Assam, halor ka nongrim jong ka National Register of Citizens (NRC).

U Saikia, u ong ba ki briew kiba na Assam, ki shah pyndik halor ka jingpeit ia ki kot ki sla bad kiwei pat ki jingshisha, halor ka jingdon kyrteng jongki ha ka NRC.

U Saikia, u ong ba ki briew kiba na Assam, ki shah pyndik jur, haba ki leit sha Meghalaya, Nagaland, Arunachal Pradesh bad Mizoram bad u ong ba ki don ki samla pule jong kine ki jaka, kiba pyndik jur ia ki briew kiba na Assam.