La saphriang bha ha kine ki sngi ha ka whatsapp, kaba wan na ki number kiba sdang na u 0092 bad u 0091 bad kitei ki ju iathuh ia kito kiba ioh ia kitei ki mesej, ba ki la ioh ia ka khusnam kaba T.25lak, ha kaba la pyni ruh ia ka video jong ka Kaun Banega Crorepati.
Don kito kiba phone sha utei u number bad ki ioh ia ka jingkren, kaba ai khublei, namar ba ki la shah jied ban ioh ia katei ka khusnam, na ka jingjied nusip ia ki mobile number bad ba ia katei ka khusnam kaba T.25lak, yn sa siew ha ka Bank Account jongki. Nangta la ai ruh sa uwei pat u number, ba kin ioh ban iakren hi bad ki bor pyniaid jong ka Kaun Banega Crorepati bad ba kin kam ruh ia ka khusnam jongki. Ynda haba la kren ia utei uwei pat u number, ki sa bthah ban thep pisa ha ka Bank, kaba kin ai ia ka account number bad katei ka pisa, kaba hap ban thep, ka dei namar ba hap ban siew ia ka khajna bad don ruh kiba kam ba katei ka jingphah pisa, kan ailad ba kin ioh ia ka cheque na ka kti jong U Amitabh Bachchan.
U SP jong ka West Garo hills, Tura, u maham ia ki paidbah ba kim dei ban bieit ia kitei ki jingshah ialam bakla, hynrei haba ki ioh ia kum kitei ki mesej, ki dei ban pyntip sha u number 913651222461 lane email sha ka [email protected].