Shah pynbam kput ka Malki ha ka Rangdajied

Shillong, 28 Jylliew:
Ka Malki ka la shah pynbam kput haduh 7-1 kol ha ka Rangdajied United FC ha ka jingiakhun hynne jong ka lympung U-19 ha madan JNStadium Polo.
Nyngkong la thep da ka Malki hynrei long kumba ioh mad kai namar ba ka Rangdajied ka la pynphai kylla syndon haduh ban ngiah.
Ha ka minit kaba 8 lyngba u Blessing Pamthied ka Malki u la ioh ban pynphai ia ka kil hynrei na ka daw ka jingbym khlaiñ ki nongap-bak ka Malki, ka la shah thep kylla lai kol tang ha ka kylla step.
U Michael Kurbah ka Rangdajied Utd FC u la ioh ia ka hat trick ban thep lai kol ha ka minit kaba 41, 52 bad 82. U Gameliel u la ioh thep ar kol ha ka minit ba 43 bad 47 bad kiwei ki kol ki la wan na u Donborlang (33″) bad Shembiangpat (89″).
Ka jingialehkai mynta lashai ka sngi kan long hapdeng ka Royal Wahingdoh bad ka Nangkiew Irat ha ka por 4 baje janmiet bad kan long kumba iaknieh ia ka nam lahduh. Ha ka por 1:30 noh phai sngi, ka Langsning kan iakhun pyrshah ia ka Pohkseh.