Shillong: Ka Langsning FC ka la shah pylliem noh da 3-1 ha ka kynhun ialehkai ka TRAU FC ha ka jingiakhun jong ka lympung Second Division League ha ka jingiakhun kaba long ha madan Khuman Lampak Main Stadium ha Imphal ha kane ka sngi u Blei.
U nongialehkai ka TRAU u Ngangbam Naocha u la thep ar kol ia ka bad u Reisangmei Vashum ia kane ka kynhun na Manipur bad kawei ka kol ia ka Langsning la thep da u Kitboklang Pale.
Ha kane ka jingialehkai la wan sakhi kumba 3 hajar ngut ki paidbah, bad ka TRAU ka la ioh rung sha ka kylla ban iaknieh rung. Kane ka kynhun na Manipur ka la shah rem tang shisien ha kane ka jingiakhun jong ka Group.
Da kane ka jingjop, ka TRAU kla la rung hs ka kylla ban iaknieh rung da kaba kamai 23 point. Ka Langsning kaba kamai 15 point, ka wan balai nadien ka Bengaluru FC reserves.
Ha kane ka jingiakhun, ka Langsning ka la sei ki nongialehkai kum u Donlad Diengdoh, Ronaldkydon Lyngdoh Nonglait, Fullmoon Mukhim bad Kento Sakurai nalor u Arnesius Marwein, Dibinroy Nongspung, Ronney Chel Khongrangjem, Milancy Khongstia.
U Naocha ka TRAU u la thep ha ka 34 minit, bad haka 49 bad sa u Vashum shwa ba hadien ba 10 minit ka Langsning kan ioh thep kawei ka kol.
Kane ka jingshah rem, ka mut ba ka Langsning kan hap ban wan phai iing noh khlem da ioh rung ha kane ka lympung.