Shillong: Hynnin ka step sngi Nyngkong jong ka taiew ka 12 tarik Nailar, ki briew ba la suba ba ki dei ki kynhun riewngeit Hindu ki la prong jubor shapoh ka krem Mawjymbuiñ ha Mawsynram, sa kaba pynlait ia ka tala kaba la khang ia ka phalor.
Katkum ka video ba la saphriang ha ki lad social media, la iohi ba hadien ba la pynpait ia ka tala jong ka phalor la pynlong ruh ia ka jinglehniam ha katei ka krem, ha kaba la lap ia ki Diya, bad ki dhup kiba dang meh bad ka pisa.
Kane ka jingleh ka la pynkheiñ ruh ia ka hukum jong ka Kashari High Court of Meghalaya, kaba la sngap ia ka mukotduma bad bthah ban pynbeit bad pynsngew biang ha ka 14 tarik mynta u bnai.
Dei ban khang tala ia ka phalor jong ka krem Mawjymbuin da ki tala Alarm lock kiba pynmih jingsawa, dei ban buh ki Cctv ha sawdong ka krem mawjymbuin. dei ban nym shah shuh ia ki bym dei Ki nongjngohkai pyrthei ba kin wan rung bad wan sah ha Mawsynram bad dei ban pahara mynmiet bad mynsngi Wat da ki tyrwa da ki pisa wat nym shim wat tang shityngka ruh.
Ia ki Alarm lock phi lah ban shu order online lyngba ki E-commerce