Shah lute u driver trok ha Jowai Bypass

Jowai, 3 Nailur:

Uwei u driver uba niah ianka trok dewiong u la shah lute bad shah shoh ha ka kynhun kiba la suba jur ba ki dei ki nonglute kibym lah satia ban ithuh. Kane ka la jia hynnin ka miet Sngi Balang.

Katkum kanjingujor u driver ka trok ASO1C -2825 uba la tipnkyrteng kum u Rsidul SK uba na Murshidabad West Bengal u la iathuh ba katba u dang wan na Phramer ynda u la poi ha Jowai Bypass kawei ka local Taxi kaba don ia u Nombor ML04-A lane B 4751 ka la pakhang lynti ia katei ka trok. Ki don saw ngut ki ba don hapoh katei ka local. Ar ngut ki la hiar ban shoh bad lute ia utei u driver bad hadien ba kila dep ki la phet noh na katei ka jaka.

Kane kadei ka sien kaba saw ba la don ka jingshah lute ki trok ha katei ka Bypass bad kane ka la jia ruh hadien ba ym don pulit shuh kiba pahara ia katei ka surok naduh ba ki la shah khang hadien ba ki la shah kynnoh ba ki la donkti ban khrong pisa be-ain na ki trok.