Shah lute sa T.3.5lak, na ka petrol pump ha Byndihati

Jowai, 19 Rymphang:
Ki riew kieng atiar kiba tap durkhmat ki la lute biang sa kawei ka petrol pump kaba don ha Byndihati hynnin ka miet sngi Saitjain ha ka por kumba 5:45 pm eiei.
Katkum ka jingiathuh ki pulit ka East Jaintia Hills ki don lai ngut ki briew kiba tap khmat bad kiba la rah ruh ki tiar siat ki la rung ha katei ka petrol pump bad lute 3.5 lakh tyngka.
Kitei ki runar ki la siat ruh ar sien sha suin bad ki pulit ki la ioh tam ia ki sop kuli kiba la suba jur ba ki dei ki kuli Ak-47. Kitei ki runar ki la phet sha thain Khliehriat bad ynda ki la poi ha kawei ka petrol Pump Indian Oil ha Khliehriat ki la siat biang sa ar sien bad ki phai ban phet biang sha Um-tyr-a.
Tang ha une u bnai la shah lute lai tylli Petrol Pump, kawei ka Surok Phramer – Shangpung ha kaba ki la ioh 2.5 lakhs bad kawei ha Dkhiah kaba ki la ioh 9 lakh tyngka. La suba jur ba ki dei ki juh ki briew kiba donkti ban lute na kitei ki lai tylli ki petrol pump hynrei na ka liang ki pulit kim pat shym la lap ksai satia ia ki.