Shah lute bad shah ktah kti u nongñiah ka kali kit khubor ha Umling

Nongpoh, 30 Iaiong: U nongniah jong kawei ka kali kaba kit ia ki Khubor u Meghalaya Guardian, kaba mih na Guwahati ban pynpoi Khubor sha Shillong, u la shah lute bad shah ktah kti ha ka kynhun kaba don kumba saw ngut ki briew.

Katei ka jingjia, ka la jia mynta ka step ha ka por 5 baje eiei mynstep ha ki bynta ka shnong Umling ha Ri Bhoi, ha kaba utei u nongniah uba la tip kum u Biren Boro bad uba niah ia ka kali kaba don ia u number AS-01-JC-9434, hynrei haba la poi ha katei ka jaka, kitei ki runar kiba don 4 ngut, ki la ktah kti ia u bad hadien kata ki sa lute ia ka pisa bad knieh ia ka mabile jong u, kaba la pynlong ruh ia u ba un mynsaw.

Tang mar ia dep shoh bad lute, kitei ki runar ki la phet noh bak na katei ka jaka, katba utei u nongniah u la leit noh mar mar sha Nongpoh Police Station na bynta ban pyntip sha ki Pulit bad ban ujor ruh da ka Ejahar pyrshah ia kitei ki runar.
Hadien kata pat, ki Pulit ki la rah noh ia u sha Nongpoh Civil Hospital na bynta ban leit sumar. Haba iadei bad katei ka jingjia, na ka liang ki Pulit ki la pynlong ia ka jingtohkit bad ban thwet ia kitei ki runar.