Shah leh kynshleiñ ka longkmie ha rel

Shillong,19 Rymphang:
Kawei ka longkmie kaba na kane ka jylla Meghalaya ka la kynnoh ba ka la shah leh kynshleiñ ha ki 3 ngut ki nong Kerela katba ka dang don hapoh ka Rel Guwahati Ex Press ha ka miet sngi thohdieng. Katei ka longkmie ka la ujor sha ki pulit pyrshah ia 3 ngut kitei ki briew kiba kam ithuh bad ka la ong ba ki la kynrup ha ka por ba ka dang iohthiah ha second AC Compartment jong ka Rel kaba leit na Guwahati sha Thiruvananthapuram .
Ka la ong ba ka la pyrta briew ban iarap hynrei ym don ba wan ban iarap ia ka, ki pulit Railway ka Thampanoor ki la rejistar case sections 354, 354 A (1) (iv) IPC pyrshah ia ki nongshong rel ki bym leit ban iarap. Katei ka jingjia ka la jia ha ka miet 17 tarik haba ka rel ka la poi ha katei ka nongbah. Katei ka longkmie ka dei kaba trei ing briew bad ka la mih na la ing ban leit biang sha jingtrei jong ka hadien ba ka la wan shuti.