Shah kyrdem ki thei lyngki, ha ki sadhu, ba ki kwah khun palat

Ka dei ka jingjia, kaba kham pher bad kata ka long ba ki don da ki bun spah ngut ki kynthei, kiba thiah pyllup ha madan bad kitei ki dei ki kynthei lyngki.

Kine ki kynthei ki kwah khun palat bad kumta ki thiah ialade ha madan bad ki sadhu, kin iaid halor met jongki, kaba long kum ka jing kyrkhu ba kin sa ioh khun shen.

Katei ka jingjia, ka dei ha Dhamtari district jong ka Chhattisgarh.

Ka khubor jong ka New Indian Express, ka iathuh ba katei ka jingjia, ka dei ha ka ‘Madhai Mela’ (Madhai Fair) bad la ju pynlong ha ka taiew kaba nyngkong eh, hadien jong ka Diwali, ha kaba ki riewniam, ki wan sha katei ka jaka ban ioh ia ka jing kyrkhu jong ka blei kynthei, ka Angaarmoti.

Katei ka jing lehniam, ka la iai bteng la 500 snem kynthih bad la kam ruh, ba ki don bun bah ki kynthei, kiba ju ar met, hadien ba ki shah iuh ha kitei ki sadhu ne ki lyngdoh niam hindu.

Ha ka dur, la iohi, ba ki don haduh 200ngut ki kynthei, kiba thiah pyllup bad kine ki lyngdoh ki ioh na sha ka bynta ba shadien jong ka met, nangta ki da kren kum ka jing duwai bad ki bat ia ki lama ha ki kti jongki.