Shah kynthah jur ka Flipkart, ba kam tip ia ka Nagaland

Ka Flipkart, ka kompeni die tiar kaba la pawnam bha, ka la shah kynthah jur ha ki khyndiat sngi ba ladep bad ka daw, ka long namar ba ka kam ba ka Nagaland, ka dei shabar jong ka India.

Ki la don kiba buh jingkylli ha ka peij jong katei ka kompeni ha facebook, halor ka jing bym leit pynpoi jongka, ia ki tiar ki tar, ba ki thied ki briew kiba na Nagaland bad halor katei ka jing kylli, ka jubab, kaba la ai da ka kompeni, ka long “Ngi sngewsih ban tip ia katei ka jingeh jongphi. Ngi sngew kmen ruh ba phi kwah ban thied jingthied na ngi. Hynrei, ki nongdie, kim shym la ai jingbti ia ngi, ba ngin shalan tiar shabar jong ka India”.

Kham hadien katei ka kompeni, ka la sngewthuh ia la ka jing bakla bad ka pan map noh bad ka kular ruh ba kan pyrshang ban wad ia ki lad ki lynti ban pynpoi ia ki tiar sha Nagaland ruh.