Shah kyntait u khun U DG Prison, na ka kam Asst.Jailor

Shillong, 16 Lber:
Hynnin ka sngi, ka ing dorbar ka la thnam halor ka jingkynnoh ba ka don ka jingthung kam sop sop ha ka tnat pyniaid phatok. U bah Paul Lyngdoh (UDP) u la rah ia katei ka phang, ha ka jingiakren ha iing dorbar.
Mynta ka sngi u bah BL Buam uwei na ki heh pulit u la pynshai ba ka kyrteng u khun jong u DG Prison ka la paw kum u nongiakhun ia katei ka kam, hynrei ia ka kyrteng jong u, ym shym la mynjur da u Chairman ban ioh ia katei ka kam. U la ong ba ia ki kyrteng kiba la phah sha ka sorkar ym shym la kynthup ia ka kyrteng jong u, namar ba u la shah kyntait.U la ong ba ki paidbah ki lah ban peit bniah ia ka Website jong ka Meghalaya Police hato la u Roll no. 251 na bynta ka kam Asst. Jailor la phah ne-em sha ka sorkar, u la ong ruh ba ki paidbah ki dei ban peit hato ia utei u Roll No la mynjur ne em da ka sorkar. U bah Buam u la ong ba katei ka dei tang ka jingkynnoh khlem nongrim ia u D.G Prison.