Shillong:U bah Alexander L Hek, ha ka sngi thohdieng u la pynpaw ia ka jingkmen hadien ba ar ngut ki samla pule MBBS ka jylla Meghalaya, ki la ioh lad biang ban leit pule na ka bhah ba ai ka sorkar pdeng, hadien ba ki la shah pynduh ia ki seat na Jharkhand.
Haba ia kren bad ki lad pathai khubor, na ka liang u bah Hek u la iathuh ba hadien ba la ioh ia ka jingbhah ia ki jaka pule na ka bynta ki khynnah pule MBBS; ha ka sngi ka ba bud la ioh ia ka shithi na Jharkhand, ha ka ba la pynduh noh oh ia ka 2 tylli ki seat na ka bynta ki 2 ngut ki khynnah na Garo.
U bah Hek u la iathuh ba baroh ki seat ki ba ki ioh ki long 85 seat na ka bynta u snem 2020-2021, 50 seat ka dei ka ba ki ioh bhah na ka sorkar pdeng bad ka daw ba kine ki khynnah ki la duh noh ia ka, na ka seat ha Palamu Medical College ha Jharkhand ka long namar ba kane ka College ka khlem pynthymmai ia ka Annual Permission jong ka College da ka National Medical Commission na ka Academic session 2021 da ka Ministry jong ka sorkar India.
U la iathuh ba kum u myntri ka tnad ka koit ka khiah, ula shim ia ka jingkit khlieh bad u la iakren bad u u Union Minister u Dr Harsh Vardhan, ha ka ba u la kular ban pynleh kat ba u lah bad u la bthah ruh ban iakren bad u Secretary jong ka tnad ka koit ka khiah jong ka Ri India.
Hadien kane ka jing shim khia u myntri, hynnin ka sngi ki la ioh pdiang ia ka shithi na ka liang jong ka sorkar pdeng ba ha ka jaka jong ki 2 tylli ki seat kiba la duh na Jharkhand mynta ki la ioh ban leit pule noh ha Maulana Azad Medical College New Delhi.
Na ka liang kine ki khynnah ki ba la tip kyrteng u Fostitos Chenang J Sangma bad ka Sagaba Marak ki la pynpaw ia ka jingsngew kmen ba ki la ioh biang ia ki seat na ka bynta ban pule MBBS ha Maulana Azad Medical College,New Delhi.
Phi don ban ong eiei?